.
.
.

غنی افغانستان را ترک کرد

عبدالله عبدالله رئیس شورای مصالحه ملی افغانستان، در پیامی ویدیویی، اشرف غنی را رئیس‌جمهوری پیشین خواند و گفت: «خدا با او محاسبه کند»

منتشر شده در: آخرین به روزرسانی:

منابع آگاه در کابل به شبکه خبری «طلوع نیوز» گفته‌اند که محمد اشرف غنی، رئیس‌جمهوری افغانستان کشور را «ترک» کرده و «فرار» کرده است.

یک منبع روزنامه «آیشا پلاس» تاجیکستان گفته است که محمد اشرف غنی، حمدالله محب، مشاور رئیس‌جمهوری و امرالله صالح معاون اول ریاست جمهوری به تاجیکستان فرار کرده‌اند.

به گفته این منبع، این مقامات پیشین افغانستان از «دوشنبه» پایتخت تاجیکستان به کشور سومی رفته‌اند.

در همین حال، عبدالله عبدالله رییس شورای عالی مصالحه ملی افغانستان در یک پیام ویدیویی محمد اشرف غنی را رییس جمهوری سابق عنوان کرده و گفت: «رئیس جمهور سابق کشور و ملت را در این حالت رها کرده و رفت.»

عبدالله عبدالله گفت: «خدا با او محاسبه کند».

پس از آن، طالبان اعلام کرد افراد این گروه برای کنترل شهر کابل وارد این شهر شده‌اند.