فوری

پخش زنده
  • صفحه اصلى
  • ايران
  • افغانستان و تاجیکستان پنج تفاهم‌نامه همکاری امضا کردند

    منبع: دبی_العربیه.نت فارسی

    ارگ ریاست جمهوری افغانستان با انتشار اعلامیه‌ای نوشت، کشورهای افغانستان و تاجیکستان، روز دوشنبه 29 مارس، پنج تفاهم‌نامه همکاری را در بخش‌های مختلف امضا کردند.

    در این اعلامیه آمده که محمد اشرف غنی، رئیس جمهوری افغانستان و امام علی رحمان، رئیس جمهوری تاجیکستان، در جریان امضای این تفاهم‌نامه همکاری حضور داشتند.

    براساس این اعلامیه: «این تفاهم‌نامه‌ها و یادداشت‌های همکاری در بخش‌های سیاسی، امنیتی، اقتصادی، ترانسپورتی، ترانزیتی، انرژی و فرهنگی میان مسئولین دو کشور به امضا رسید».

    ارگ ریاست جمهوری افغانستان گفته که محمد اشرف غنی، امروز دوشنبه طی سفر رسمی به شهر دوشنبه پایتخت تاجیکستان، سفر کرد و روئسای جمهوری هر دو کشور پس از دیدار شان، اعلامیه‌ای مشترک امضا کردند.

    این در حالیست که نهمین نشست وزرای خارجه کشورهای عضو «نشست قلب آسیا – روند استانبول»، سه‌شنبه 30 مارس 2021، در شهر دوشنبه برگزار خواهد شد و محمد اشرف غنی، یکی از سخنرانان این نشست است.

    قرار است اشتراک کنندگان نشست «قلب آسیا – روند استانبول» در مورد روند صلح افغانستان و اجماع منطقه‌یی بحث کنند.

    تبلیغات

    برگزیده های کاربران