منابع خبری افغانستان به تازگی گزارش دادند که گروه طالبان مانع رفتن دختران به مکتب در ولایت (استان) تخار شده اند.
مسئولان ریاست معارف ولایت (استان) تخار به روزنامه «سلام‌وطندار» گفته اند که طالبان در این ولایت مانع رفتن دختران به مکتب می‌شوند. به گفتۀ این مسئولان، جنگجویان گروه طالبان دانش‌آموزان دختر را در روستاهای «قلبرس» و «چایله» ولایت تخار اجازۀ رفتن به مکتب نداده‌اند.
براساس گزارش‌ها، طالبان در ساحات زیر کنترل‌شان در تخار از صنف شش مکتب به بالا، دانش‌آموزان دختر را اجازه نمی‌دهند آموزش ببینند.
یک سال قبل نیز در فوریه 2020 جنگجویان طالبان یک مکتب (مدرسه) دخترانه رادر ولایت تخار آتش زدند.
ولایت تخار در شمال افغانستان از جمله ولایت‌های نسبتاً ناامن به شمار می‌رود که گروه طالبان در برخی از نقاط این ولایت فعالیت دارند.
