ریاست جمهوری افغانستان امروز پنجشنبه 22 جون 2017، نخستین مناظره "شهروند و ارگ" با حضور رییس جمهوری و شماری از شهروندان این کشور در ارگ ریاست جمهوری برگزار شد.
به گزارش خبرگزاری "جمهور"، رییس جمهوری افغانستان در این مراسم گفته است "اگر ظرفیت می‌خواهید باید بهترین افراد را بیاورید، اگر مصلحت می‌خواهد باید افرادی را بیاورید که زیادترین واسطه دارند و اگر مصلحت کوچک را سرش اعتبار می‌کنید، کارهای بزرگ تقاضا نداشته باشید".
وی در ادامه گفته است که او یک پل عبوری برای رسیدن شهروندان به قدرت است.
رییس جمهوری افغانستان گفته است که در 2 و نیم سال گذشته، حکومت افغانستان شش سال جوان‌تر شده و در این مدت، 30 میلیارد دالر در بخش‌های امنیتی و ملکی از کشورهای بین المللی تعهد گرفته شده است.
رییس جمهوری افغانستان با مشاورینش
وی از سیاست اقتصادی حکومت پیشین این کشور انتقاد کرده گفت، اکنون افغانستان تنها به "اسیپن بولدک" و "تورخم" وابسته نیست.
رییس جمهوری افغانستان، همچنان در این نشست گفته است که دیگر افغانستان به یک راه ترانزتی و تجارتی متکی نیست و هیچ نیرویی نمی‌تواند از این حربه استفاده کند.
در این مذاکره که میان رییس جمهوری افغانستان و جوانان این کشور برگزار شد فرخنده زهرا نادری، مشاور ارشد رئیس جمهوری افغانستان در امور ملل متحد و همایون قیومی مشاور رئیس جمهوری این کشور نیز اشتراک کرده اند.
بیشتر این جوانان دانشجویان و استادان دانشگاه های این کشور بوده اند.
