مقام‌های ولایت هرات در غرب افغانستان، پنج‌شنبه 29 اکتبر، تایید کردند که در پی شورش شماری از زندانیان در زندان مرکزی این ولایت، هشت نفر جان باختند و 12 نفر دیگر زخمی شدند.
محمد رفیق شیرزی سخنگوی اداره صحت عامه (بهداشت) افغانستان گفت، یک زندانی بر اثر برخورد مرمی (گلوله) و هشت زندانی دیگر توسط آشیای نامعلومی کشته شدند.
شیرزی اضافه کرد که در این رویداد 12 نفر به شمول چهار کارمند زندان مرکزی ولایت هرات زخمی شدند.
شماری از زندانیان در زندان مرکزی ولایت هرات افغانستان، عصر چهارشنبه 28 اکتبر 2020 دست به شورش زدند که این شورش تا ناوقت دیشب ادامه داشت.
شایان ذکر است که براساس گزارش‌ها، زندان ولایت هرات نزدیک به سه هزار زندانی دارد که در شش بلاک جداگانه نگهداری می‌شوند.
